Վիպակում արտացոլված են ընտանեկան տխուր հարաբերություններ, որտեղ գեղարվեստական ցնցող պատկերներով է տրված տարբեր սերունդների պայքարը, անտարբերությունն ու դաժանությունը սեփական ծնողի հանդեպ: Երկի հիմքում ընկած է գթասիրտ կնոջ՝ Զարուհու ճակատագիրը: Լքված լինելով ամուսնուց՝ նա ոչ միայն միայնակ փորձում է հաղթահարել բոլոր խոչընդոտները հանուն զավակների, այլև սիրով է օգնության ձեռք մեկնում ուրիշներին: Միաժամանակ ընթերցողը փաստերի միջոցով գալիս է այն հստակ եզրահանգման, որ առանց սիրո ընտանիքը հեշտությամբ փլուզվում է:
