Քոնն եմ ես

Քոնն եմ ես

Դու գիտեիր, որ
Երեք հարյուր տարի քո ճամփան եմ պահում,
Առանց հոգնության, որ կարկառեմ ձեռքս
Ու շշնջամ` քոնն եմ,
Սիրիր ինձ, եթե ծնված օրվանից
Երազներում քո պատկերն ես իմ փնտրել,
Առանց իմ համբույրի` ինձնից ջերմացել,
Սիրիր ինձ, եթե շատ երկար ես սպասել…

Դու գիտեիր, որ
Անորսալի ժամանակի ու տարածության մեջ
Իմ հետքերով կսլանաս ինձ մոտ,
Քանզի հոգուս մեջ խելահեղ սիրուց
Հինգ հազար տարվա ցնծություն է բանտված:
Փորձիր հաղթել ինձ կարոտի ուժով,
Եթե քոնն եմ ես երեք հարյուր տարի,
Կլինեմ քոնը հավերժության մեջ…