Ո՞ւր ես, հոգիս

Ո՞ւր ես, հոգիս

Ես` թափառող աստղ,
Մնացել եմ հեռվում,
Ու՞ր ես, հոգիս, ո՞ւր ես…

Թեքել եմ երեսս
Հեղամիտ մարդկանցից,
Ա¯խ, այնպես եմ հոգնել
Հնձված կարոտների
Անհամ կրկնությունից:

Ո՞ւր ես, հոգիս, ո՞ւր ես,
Թե լույսս վերքի դեմ
Սպեղանի չի դառնում,
Թե անանց հավատս
Մորթել են ուզում
Այս տիրադավ երկրում,
Գուցե՞ չքվեմ, լռեմ:

Ո՞ւր ես, հոգիս, ո՞ւր ես,
Թե կրակներից
Իմ ջերմացել ես
Գոնե մի անգամ,
Թե հոռեկիրթ չես
Դու էլ նրանց պես,
Մի° թող, որ ցնդեմ:

Ես` թափառող աստղ,
Մնացել եմ հեռվում,
Հասի՛ր, հոգիս, հասի՛ր…